សិស្សានុសិស្សជាច្រើនមកពីសាសាផ្សេងៗគ្នា បង្ហាញទេពកោសល្យ និងភាពច្នៃប្រឌិតចូលរួមការប្រកួតប្រជែងលំដាប់អន្តរជាតិ Owlypia Online Round

សិស្សានុសិស្សរបស់ប្រទេសកម្ពុជាជាច្រើននាក់មកពីសាលារៀនផ្សេងៗគ្នា បានចូលរួមបង្ហាញទេពកុសល្យ និងភាពច្នៃប្រឌិតរបស់ខ្លួន ក្នុងកម្មវិធីប្រកួតប្រជែងលំដាប់អន្តរជាតិ Owlypia Online Roundដែលមានសិស្សានុសិស្សជាច្រើននាក់មកពីបណ្ដាលប្រទេសផ្សេងៗជុំវិញពិភពលោកចូលរួម។ ដើម្បីលើកទឹកចិត្តចំពោះការខិតខំប្រឹងប្រែងរបស់សិស្សានុសិស្សរបស់កម្ពុជា ថ្មីៗនេះមជ្ឈមណ្ឌលបណ្ដុះបណ្ដាលមេគង្គ បានរៀបចំកម្មវិធីប្រគល់មេដាយ និងប័ណ្ណសសើរជូនដល់សិស្សានុសិស្សដែលបានចូលរួមប្រឡងប្រជែងកម្មវិធីលំដាប់អន្តរជាតិ Owlypia Online Round មួយនេះផងដែរ។

គួររំលឹកថាកម្មវិធីប្រកួតប្រជែងលំដាប់អន្តរជាតិ Owlypia គឺជាកម្មវិធីដែលរៀបចំឡើងយ៉ាងពិសេសសម្រាប់សិស្សានុសិស្សដែលមានអាយុចាប់ពី ៩ ដល់ ១៨ ឆ្នាំដោយផ្ដោតសំខាន់លើការពង្រឹងជំនាញទន់ (Soft Skill) ដែលជាជំនាញសំខាន់សម្រាប់ជីវិតទាំងការសិក្សា និងជីវិតរស់នៅប្រចាំថ្ងៃ។ តាមរយៈការប្រឡងនេះសិស្សានុសិស្សនឹងស្គាល់ខ្លួនឯងកាន់តែច្បាស់ពីទេពកោសល្យរបស់ខ្លួនពិសេសនោះ គឺសិស្សានុសិស្សនឹងស្គាល់ពីជំនាញដែលខ្លួនចូលចិត្តសម្រាប់ថ្ងៃអនាគតផងដែរ។

មជ្ឈមណ្ឌលបណ្ដុះបណ្ដាលមេគង្គ នឹងរៀបចំការប្រកួតប្រជែង Owlypia Phnom Penh Round នៅថ្ងៃទី ២៥-២៦ ខែមករា ឆ្នាំ២០២៥ ខាងមុខនេះ។ ជាមួយនឹងកម្មវិធីពីរថ្ងៃនេះ យើងសន្យាថាសិស្សានុសិស្សទាំងអស់នឹងទទួលបានបទពិសោធដែលលើសពីការប្រកួតប្រជែង។ ការប្រកួតប្រជែង Owlypia Phnom Penh Round គឺជាការប្រឡងជាក្រុម ដោយមានវិញ្ញាសារជាច្រើនដូចជា Knowledge Challenge, Impromptu Challenge, Speech-Craft Challenge,Team Spirit Challenge។ លើសពីនេះសិស្សានុសិស្សនឹងមានឱកាសទទួលបាន ប័ណ្ណសសើរ, មេដាយ, មានឈ្មោះចូលរួម Global Round, និងទទួលបានអនុស្សាវរីយដែលមិនអាចបំភ្លេចបាន។

ចុះឈ្មោះចូលរួមបង្ហាញទេពកុសល្យ និងភាពច្នែប្រឌិតរបស់អ្នកជាមួយនឹងយើង

https://docs.google.com/forms/d/e/1FAIpQLSfpGeqULaWBZRO-lTXPGrfwX2tstEgKgL1mltNIoaRMhaXZrA/viewform?usp=sf_link